Беларускі рубель за 2010 год знізіўся ў адносінах да валютнага кошыка на 2%

Па выніках таргоў замежнымі валютамі 31 снежня на Беларускай валютна-фондавай біржы курс даляра ЗША не змяніўся і склаў 3000 рублёў.

Курс расійскага рубля застаўся на ўзроўні 98,44 бел. руб. за адзін расійскі. Біржавыя таргі па еўра не праводзіліся.

У адносінах да валютнага кошыка беларускі рубель знізіўся на 0,22% у параўнанні з папярэднім значэннем: сёння кошт кошыка склаў 1057,04 рубля.

За гэты год курс беларускага рубля ў адносінах да валютнага кошыка знізіўся на 2,00%, да даляра — на 4,79%, да расійскага рубля — на 3,99%, да еўра — умацаваўся на 2,60%.

На 2010 год калідор ваганняў курсу беларускага рубля ў адносінах да кошыка валют быў усталяваны ў межах плюс-мінус 10%.