Беларусы судзяцца з латышамі за нафту з трубы Полацк - Вентспілс
16.12.2010 17:36
—
Новости Экономики
Беларусы судзяцца з латышамі за нафту з трубы Полацк - Вентспілс
Наваполацкае прадпрыемства па транспартыроўцы нафты “Дружба” падало ў суд на кампанію “ЛатРосТранс”. Беларусы хочуць спагнаць грошы за 220 тысяч тон нафты, якую латышы пачалі адпампоўваць з галінкі Полацк - Вентспілс нафтапровада “Дружба”. Кошт пытання - каля 90 мільёнаў долараў.
Нягледзячы на тое, што нафта прастаяла ў непрацуючым нафтапровадзе каля 8 гадоў, у кошце і ў якасці яна не страціла.
“Калі б гэтая нафта была сапсаваная, ніхто б не пачаў яе выціскаць, - мяркуе галоўны інжынер РУП “Дружба” Васіль Дробатаў. - 8 гадоў вырашалася пытанне пра ўзаемавыгаднае супрацоўніцтва наконт гэтага нафтапровада. Мы спадзяваліся, што пойдзе па ім нармалёвая рэверсная перакачка”.
Апошнім часам галінку Полацк - Вентспілс планавалі выкарыстоўваць для транспартыроўкі венесуэльскай нафты, што прыбывае танкерамі ў прыбалтыйскія порты. Гэты праект дагэтуль не рэалізаваны праз пазіцыю "ЛатРосТранса", сцвярджае Васіль Дробатаў.
![Беларусы судзяцца з латышамі за нафту з трубы Полацк - Вентспілс](http://www.21.by/pub/news/2010/12/1292515502783015.gif)
Пазоў "Дружбы" прыняты да разгляду Даўгаўпілскім судом. На нафту накладзены арышт. Інакш кажучы, пакуль суд не вырашыць, каму менавіта належыць нафта ў трубе, “зліць” яе не зможа ніхто.