Сусветны банк дае Беларусі $150 млн для мадэрнізацыі аўтадарог

Сусветны банк вырашыў выдаць Беларусі пазыку $150 млн для мадэрнізацыі транспартнай інфраструктуры.

Асноўная частка сродкаў будзе выдаткавана на пашырэнне 53-кіламетровага кавалка цяперашняй двухпалоснай аўтадарогі паміж Менскам і Бабруйскам да чатырох палосаў.

Таксама частка сродкаў пойдзе на ўкараненне электроннай сістэмы спагнання платы за праезд на платных дарогах у Беларусі.

Грошы прадастаўляюцца на 15 гадоў з пяцігадовай адтэрміноўкай плацяжоў.