«Газпром»: Газ для Беларусі будзе каштаваць 220 долараў

Расійскі газ для Беларусі ў 2011 годзе будзе каштаваць 220 долараў за тысячу кубаметраў. Гэта будзе сярэднегадавы кошт, заявіў намеснік кіраўніка праўлення "Газпраму" Андрэй Круглоў.

Нагадаем, сёлета сярэднегадавы кошт за расійскі газ для Беларусі складае 185 долараў.

Як паведамляе УНІАН, прадстаўнік "Газпраму" таксама адзначыў, што з наступнага года адмяняецца паніжальны каэфіцыент да кантрактнай цаны на газ для Беларусі.