Еўра скочыў адразу на 58 рублёў

Курс еўра, па выніках біржавых таргоў 29 верасня вырас амаль на 58 рублёў і складзе на заўтра, 30 верасня, 4 099,62 руб. (быў на сёння - 4 041.67).

Нагадаем, што ў пачатку 2010 года афіцыйны курс еўра да беларускага рубля быў большы за 4 100 рублёў (4 студзеня складаў 4 122, 68), але з 15 студзеня знізіўся за мяжу 4 100 рублёў (4 093,90) і больш не перасягаў планкі 4 100.

Найніжэйшы курс еўра сёлета быў 7 чэрвеня – 3 599,1 рубля.

Курс даляра сёння наадварот знізіўся: з 3 020 рублёў да 3.010 рублёў. Курс расійскага рубля нязначна вырас з 98.69 беларускага да 99.00.