Сусветныя цэны на мяса ўзьняліся да рэкорду

Кошт мясной прадукцыі ў сьвеце ўзьняўся да рэкорднага за апошнія 20 гадоў — пра гэта, спасылаючыся на зьвесткі ААН, паінфармавала газэта «Financial Times».

Як адзначае выданьне, цэны на мяса ў жніўні на 16% перавысілі леташні ўзровень. Рост кошту мясной прадукцыі выкліканы павелічэньнем попыту на мяса ў разьвіваных краінах і паніжэньнем яго вытворчасьці ў дзяржавах-экспартэрах.