Электраэнергія і цяпло для юрасобаў даражаюць на 21%

Тарыфы на цепла- і электраэнергію для юрыдычных асоб і індывідуальных прадпрымальнікаў з 20 жніўня павялічваюцца на 20,9 працэнта. Аб гэтым паведамілі ў прэс-службе Міністэрства эканомікі.

Павелічэнне тарыфаў на цепла- і электраэнергію, што адпускаецца рэспубліканскімі ўнітарнымі прадпрыемствамі ДВА "Белэнерга", для юрыдычных асоб і індывідуальных прадпрымальнікаў адбываецца ў мэтах стабілізацыі разлікаў за пастаўляемы прыродны газ. Новая цана ўстанаўліваецца з 20 жніўня 2010 года.