Пра гэта паведаміла галоўны тэхнолаг прадпрыемства Ніна Лушчык 18 жніўня на прэс-канферэнцыі ў Мінску.

Праект па вытворчасці замарожанага хлеба планавалася рэалізаваць яшчэ некалькі месяцаў таму, аднак з-за анамальнай спякоты тэрміны перанеслі на верасень.

Для атрымання замарожанага хлеба яго выпякаюць да 95% гатоўнасці, а затым замарожваюць пры тэмпературы да мінус 30°C. Пасля гэтага хлеб можа захоўвацца пры мінус 18°C на працягу трох месяцаў.

Лушчык паведаміла, што «Мінскхлебпрам» мае намер набыць абсталяванне для вытворчасці замарожаных тартоў, у закупцы якіх зацікаўлены кафэ і рэстараны.