Расія абмяркоўвае ўвядзенне мытаў на пастаўкі нафты ў Казахстан

Сярод прапановаў па павелічэнні прыбыткаў расійскага бюджэту ў 2011–2013 у прэзентацыі Мінфіна з’явілася ўвядзенне мытаў на нафту, піша газета «Ведомости» са спасылкай на тэкст электроннага дакумента.

Па словах крыніц газеты, мыты ўжо абмяркоўваліся з уладамі Казахстана, але ніякіх рашэнняў пакуль не прынята. Гэта палітычнае пытанне:

на экспарт у Беларусь мыты ўведзеныя сёлета, было б лагічным абкласці імі пастаўкі і ў Казахстан, каб правілы ў Мытным саюзе былі адзінымі для ўсіх.