Газ для насельніцтва пакуль даражэць не будзе

Пра гэта Еўрарадыё паведаміў дырэктар Дэпартамента цэнавой палітыкі Міністэрства эканомікі Ігар Фамін.

Па яго словах, існуе верагоднасць падаражэння расійскага газу, аднак кошт яго для беларусаў не ўзрасце.

"Вы ведаеце, кошт на газ для грамадзян, а гэта жыллёва-камунальная паслуга, вызначаецца ўрадам па ўзгадненні з прэзідэнтам. І такое пытанне - павышэння цэн на газ для насельніцтва – пакуль не разглядалася", - заявіў сп. Фамін.

Гэта значыць, пакуль што газ для насельніцтва будзе пастаўляцца па ранейшых коштах.