Еўракамісія рыхтуе заяву па "газавай вайне"

Еўракамісар па энергетыцы Гюнтэр Отынгер зробіць заяву наконт расійска-беларускай “газавай вайны”. Пра гэта Еўрарадыё паведаміла прэс-сакратар Еўракамісара Марлене Хольцнэр.

Нагадаем, 22 чэрвеня Отынгер збіраўся тэлефанаваць першаму віцэ-прэм’еру Беларусі Уладзіміру Сямашку і міністру энергетыкі Расіі Сяргею Шматко, каб высветліць сітуацыю вакол газавага канфлікту. 21 чэрвеня ў Бруселі адбылася сустрэча прадстаўнікоў Еўракамісіі з расійскімі экспертамі, а 22 чэрвеня - з беларускімі.