Пытанне аб далучэнні Беларусі да Мытнага саюзу вырашыцца 5 ліпеня

Пытанне аб далучэнні Беларусі да Мытнага саюзу будзе канчаткова вырашанае падчас сустрэчы кіраўнікоў трох дзяржаў 5 ліпеня ў рамках Міждзяржсавета ЕўрАзЭС у Казахстане, паведаміў сёння журналістам першы віцэ‑прэм’ер РФ Ігар Шувалаў.

«Мы са свайго боку правялі неабходныя ўзгадняльныя працэдуры, заўтра правядзем перамовы ў фармаце Казахстана, Беларусі ды Расіі, дзе будуць канчаткова разгледжаныя ўсе неабходныя пытанні для запуску Мытнага саюзу», ‑‑ цытуе Шувалава агенцтва РИА НОВОСТИ.

«У якім фармаце працаваць з 1 ліпеня — будзе вызначана падчас сустрэчы кіраўнікоў дзяржаў 5 ліпеня ў Астане», — дадаў першы віцэ‑прэм’ер РФ.

Радыё Свабода