Аўтааматары зьвярнуліся ў прэзыдэнцкую адміністрацыю
02.06.2010
—
Новости Экономики

З 1 па 4 чэрвеня ў шэрагу гарадоў Беларусі праходзіць акцыя аўтааматараў супраць павышэньня цэн на бэнзін на ўнутраным рынку. Яе ўдзельнікі маюць намер ігнараваць запраўкі канцэрна "Белнафтахім" ці ў знак пратэсту купляць не больш за два літры паліва.
У калектыўным звароце да Аляксандра Лукашэнкі аўтааматары падкрэсьліваюць, што "ў сваіх дзеяньнях канцэрн "Белнафтахім" кіруецца не рыначнай абстаноўкай, а выключна паняцьцем сваёй уласнай выгады". Яны таксама просяць растлумачыць мэханізм і сутнасьць працэсу фармаваньня адпускных цэн на нафту і нафтапрадукты, якія рэалізуюцца на запраўках рэспублікі, а менавіта на бэнзін і дызэльнае паліва.