Пракаповіч апусціў еўра да 3685 рублёў

Еўра ўжо не проста апускаецца, ён ляціць уніз. Курсы валют, абвешчаныя Нацбанкам на заўтра, засведчылі падзенне еўра яшчэ на 60 рублёў. Цяпер афіцыйны курс складае 3686,25 рубеля.

З пачатку года курс еўра апусціўся больш чым на 10%.

Даляр на фоне еўра змяняецца зусім нязначна. Ён падрос на 5 рублёў і ўшчыльную падыйшоў да псіхалагічнай мяжы ў 3000 рублёў — даляр ацэньваецца ў 2995 рублёў.

Суадносіны валют склалі 1,23 і тым самым дасягнулі чатырохгадовага мінімума.

Калі ўлічыць, што патаннеў яшчэ і расійскі рубель, нядзіўна, што валютны кошык апусціўся ніжэй за ранейшы ўзровень. Узровень рэвальвацыі з пачатку года склаў 1,08%.

ЯВ