Падаражаў звадкаваны газ
24.03.2010
—
Новости Экономики
З 25 сакавіка ў Беларусі павышаюцца адпускныя і розьнічныя цэны на звадкаваны газ для АЗС і камунальна-бытавога выкарыстаньня, паведамляе прэсавая служба Міністэрства эканомікі.
Падвышэньне адбылося «ў сувязі зь пераглядам умоваў пастаўкі нафты і нафтапрадуктаў у Беларусь у 2010 годзе, а таксама павелічэньнем ставак акцызу і зьмяненьнем агульных умоваў гаспадараньня з улікам прапановаў Міністэрства энэргетыкі і канцэрну „Белнафтахім“».Адпускныя цэны вырастуць на 7,3 — 10%, розьнічныя ў сярэднім на 9,3%.
Апошняе падвышэньне коштаў на звадкаваны газ у балёнах для насельніцтва адбылося ў лістападзе 2009 году і склала 23%, для АЗС — у траўні мінулага году на 9,3%.