У цяплiцах камбiната "Рудакова" сабраны першы ўраджай экзатычнай зелянiны рукалы

У цяплiцах камбiната "Рудакова" пад Вiцебскам сабраны першы ўраджай экзатычнай зелянiны рукалы.

Гэта вiтамiнная раслiна распаўсюджана ў цеплых краiнах, у прыватнасцi, на поўднi Iталii. Цяпер яе з поспехам навучылiся вырошчваць на беларускай поўначы ў штучным грунце. Як запэўнiлi спецыялiсты i дыетолагi, рукала яшчэ больш карысная, чым добра знаёмыя беларусам пятрушка, салата, кроп, iншыя культуры. Асаблiва рэкамендуецца яна для паляпшэння абмену рэчываў у арганiзме.