Зацікаўленасць партнёраў

Прадстаўнікі Мінскай вобласці і іранскай правінцыі Тэгеран падпісалі пагадненне аб супрацоўніцтве.

Рэгіёны маюць намер развіваць гандлёва-эканамічныя, навукова-тэхнічныя і культурныя адносіны. Таксама Мінская вобласць і правінцыя Тэгеран будуць імкнуцца ствараць спрыяльныя ўмовы для прыцягнення інвестыцый, наладжвання кантактаў паміж навучальнымі ўстановамі, тэатрамі, музеямі, творчымі саюзамі і фондамі.

На думку губернатара правінцыі Тэгеран Мартэза Тамадона, новае пагадненне паспрыяе павелічэнню прытоку беларускіх турыстаў у Іран, наладжванню кантактаў паміж бізнесменамі, рэалізацыі сумесных праектаў.

Надзея Радзівон