“Усё павінна быць ад сэрца”, пад такой назвай 12 студзеня 2019 года ў цэнтральнай раённай бібліятэцы ім. І. Чыгрынава адбыўся літаратурна-паэтычны мікс, прысвечаны 100-годдзю з дня нараджэння пісьменніка-зямляка В.Ф. Хомчанкі і 85-годдзю з дня нараджэння паэта-зямляка Л.М. Белянінава. На мерапрыемстве прысутнічалі паважаныя госці – Віктар Уладзіміравіч Патапенка – пісьменнік-зямляк, Дына Уладзіміраўна – пляменніца В.Ф. Хомчанкі, Наталля Пятроўна Азаранка – паэтка-зямлячка, Марыя Паўлаўна Пуцята – пісьменніца-зямлячка і наш юбіляр Леў Мінавіч Белянінаў – паэт-зямляк. Удзельнікі літаратурна-паэтычнага мікса даведаліся шмат цікавых фактаў аб жыцці і творчасці В.Ф. Хомчанкі, з вялікай цікавасцю слухалі ўспаміны аб ім са слоў яго пляменніцы, а таксама ўсе былі ўраджаны выступленнем В.У. Патапенкі. Другая частка мерапрыемства была прысвечана Л.М. Белянінаву, дзе ён вельмі цікава расказваў аб сваім жыцці, прачытаў свае цудоўныя вершы, прымаў віншаванні. Напрыканцы для ўсіх прысутных прагучалі кампазіцыі ў выкананні Л.М. Белянінава і артыстаў РЦК Іны Нячаевай і Дзяніса Леаненкі.
