У Мінск даставілі капсулу з зямлёю, якая была асвечана ў храме Смаргоні
У крыпту храма будуць закладзены капсулы з зямлёю з пахаванняў воінаў, якія загінулі падчас абароны Смаргоні - адзінага горада на фронце ад Балтыйскага да Чорнага мора, за які 810 дзён змагалася руская армія.
Напярэдадні, 10 лістапада, наш горад наведалі прадстаўнікі сталіцы. Яны пабывалі на мемарыяльным комплексе па лініі супрацьстаяння рускага і нямецкага войскаў, наведалі службу ў Спаса-Прэабражэнскім храме, дзе была асвечана зямля з воінскіх пахаванняў і ў гэты ж дзень капсула з ёю перададзена для дастаўкі ў мінскі храм-помнік у гонар Усіх Святых і ў памяць аб ахвярах, якія пасадзейнічалі выратаванню нашай Айчыны.
Каля ўвахода на мемарыяльны комплекс экскурсавод распавядае пра баявыя дзеянні пад Смаргонню падчас Першай сусветнай вайны.
Каля схемы баявых дзеянняў.
З экскурсантамі размаўляе адзін з аўтараў мемарыяльнага комплексу, ураджэнец Смаргоні, скульптар Уладзімір ЦЕРАБУН.
Намеснік старшыні райвыканкама Генадзь БЫЧКО раіць турыстам наведаць яшчэ і "Залатую горку".
Звон абуджае наваколле.
З кветкамі да манумента, каб аддаць даніну памяці рускім воінам, якія загінулі ў баях за Айчыну.
На пярэднім плане доктар гістарычных навук, прафесар Анатоль ШАРКОЎ, які жыве ў Мінску і з'яўляецца адным з аўтараў кнігі "Апошні прытулак салдата".
Аб далёкім мінулым гутараць намеснік старшыні райвыканкама Генадзь БЫЧКО, прафесар Анатоль ШАРКОЎ, былы старшыня раённага выканаўчага камітэта, аматар гісторыі Анатоль ЯНЕЦ і дырэктар ДРАЦ "Лясная паляна" Анатоль ХОМБАК.
Настаяцель Спаса-Прэабражэнскага храма айцец Анатоль праводзіць службу па супакаенні душ рускіх воінаў, якія загінулі ў баях з кайзераўскімі захопнікамі.
З чашы перасыпаюць у капсулу асвечаную зямлю з мясцін пахаванняў рускіх воінаў.
Яшчэ пару лыжак, і капсула запоўнена.
Айцец Анатоль закручвае металічную накрыўку.
Капсулу з асвечанай зямлёю прымае прафесар Анатоль ШАРКОЎ, каб даставіць яе ў Мінск на захаванне ў храм-помнік у гонар Усіх Святых і ў памяць аб ахвярах, якія пасадзейнічалі выратаванню нашай Айчыны.
Юрый ЯНУШКЕВІЧ.
Фота аўтара.