Запрашаем на свята з водарам ранетаў

Прыйшоў да нас Яблычны Спас.

Засажэўскія Бабічы зноў клічуць гасцей і жыхароў краю на традыцыйнае масавае гулянне – Яблычны Спас і свята вёскі.
Гэты дзень народнага каляндара стаў брэндам населенага пункта і бабічан. Перагукі званоў, вясёлая музыка і кашы з наліўнымі яблыкамі – атрыбут вялікай урачыстасці. У нядзелю тут зноў збярэцца праваслаўны люд, каб асвяціць дары агарода і пабыць разам. Запрашаем усіх жадаючых далучыцца да агульнай радасці, якая пральецца песняй, музыкай і малітвай святара. Пачатак дзеі ў 11.00. Чакаем!