Смаргонь. Як сведчыць гісторыя...

1628 г. Смаргонь пераходзіць ва ўладанне князёў Радзівілаў (Ганна Соф’я Зяновіч выйшла замуж за Альбрэхта Уладзіслава Радзівіла).

1795 г. Пасля трэцяга падзелу Рэчы Паспалітай Смаргонь увайшла ў склад Расійскай імперыі.

1805 г. Князь Багдан Агінскі купіў Смаргонь за 65000 злотых.

1808 г. Уладаром Смаргоні становіцца граф Караль Пшаздзецкі.

1842 г. Смаргонь перайшла ў склад дзяржаўнай уласнасці.

1879 - 1904 г. г. Смаргонь - казённае фабрычнае мястэчка, цэнтр аднайменнай воласці Ашмянскага павета Віленскай губерніі.

1914 г. Горад Смаргонь Ашмянскага павета Віленскай губерніі налічвае 16228 жыхароў.

Верасень 1944 г. Смаргонь - цэнтр Смаргонскага раёна Маладзечанскай вобласці.

20 студзеня 1960 г. Смаргонскі раён пераходзіць у склад Гродзенскай вобласці.

1985 г. Смаргонь выдзяляецца ў асобную адміністрацыйную адзінку абласнога падпарадкавання.

Лістапад 1996 г. Згодна з Указам Прэзідэнта Рэспублікі Беларусь Смаргонскі раён і г. Смаргонь аб’яднаны ў адну адміністрацыйную адзінку - Смаргонскі раён.