Персанальная выстава Анатоля Сураўца распачалася ў смаргонскім музеі

Анатоль Суравец працуе на ААТ “ЗАС” слесарам-інструментальшчыкам. Але галоўнай справай свайго жыцця ён лічыць жывапіс. Цудоўныя краявіды любімай Ашмяншчыны і Смаргоншчыны, што стала для яго другой малой радзімай, натхняюць на стварэнне пейзажных карцін.

Гэта другая персанальная выстава самадзейнага мастака ў гісторыка-краязнаўчым музеі. На прэзентацыю былі запрошаны знаўцы і ўсе, хто цікавіцца мастацтвам. Павіншаваў Анатоля Юльянавіча слынны майстар, скульптар Уладзімір Церабун. З цікавасцю разглядалі выстаўку вучні СШ №1.

Ала КЛЕМЯНОК.

Фота аўтара.