Заспявайма "Народны альбом" у Галерэі TUT.BY ужо ў чацвер

Партал TUT.BY, тэлеканал "Белсат" і Сяржук Доўгушаў запрашаюць ахвочых заспяваць песні з папулярнага праекта "Народны альбом" за тыдзень да мінскага канцэрта праекта. "Спеўны сход" адбудзецца у чацвер, 16 лютага.

У Галерэі TUT.BY а 19-й збяруцца прыхільнікі праекта і ўсе ахвочыя заспяваць любімыя амаль народныя песні. Сяржук Доўгушаў, Лявон Вольскі і ідэйны натхняльнік "Народнага альбому" Міхал Анемпадыстаў навучаць спяваць хіты не горш за артыстаў. У часе імпрэзы адбудзецца прэзентацыя DVD+CD канцэрту «Народны Альбом. 20 год» у Беластоцкай оперы.