«Таямніца ночы»
14.12.2013
—
Новости Культуры
У Нацыянальным мастацкім музеі прадставілі больш за 60 твораў Гаўрыіла Вашчанкі
Урачыстае адкрыццё выстаўкі народнага мастака Беларусі Гаўрыіла Вашчанкі «Таямніца ночы», прысвечанай 85-годдзю з дня нараджэння майстра, адбылося 12 снежня ў Нацыянальным мастацкім музеі.
Асаблівасць экспазіцыі ў тым, што ўсе творы, якія ў яе ўваходзяць (а іх больш за 60), — уласнасць мастака і напісаны ім у сталы перыяд творчасці: на працягу апошніх трох дзесяцігоддзяў.
— Гэтая выстаўка — плён шматгадовых разважанняў, навеяных і бяссонніцай, і нейкімі жыццёвымі эпізодамі. А таксама старадаўнімі павер’ямі і легендамі. Бо ноч захоўвае мноства таямніц, — адзначае віноўнік урачыстасці Гаўрыіл Вашчанка.
На думку вядомага беларускага мастацтваведа Наталлі Шаранговіч, манументальныя і жывапісныя работы славутага майстра — класіка нацыянальнага мастацтва ХХ—ХХІ стагоддзяў. Яго творы ўвасобілі цэлую эпоху з яе ідэальнымі памкненнямі і балючымі расчараваннямі, складанымі грамадскімі зменамі і чалавечымі трагедыямі.
Для наведвальнікаў выстаўка пачала працаваць ужо сёння, экспанаванне плануецца на працягу месяца.
Ірына СВІРКО, «Р»
Урачыстае адкрыццё выстаўкі народнага мастака Беларусі Гаўрыіла Вашчанкі «Таямніца ночы», прысвечанай 85-годдзю з дня нараджэння майстра, адбылося 12 снежня ў Нацыянальным мастацкім музеі.
Асаблівасць экспазіцыі ў тым, што ўсе творы, якія ў яе ўваходзяць (а іх больш за 60), — уласнасць мастака і напісаны ім у сталы перыяд творчасці: на працягу апошніх трох дзесяцігоддзяў.
— Гэтая выстаўка — плён шматгадовых разважанняў, навеяных і бяссонніцай, і нейкімі жыццёвымі эпізодамі. А таксама старадаўнімі павер’ямі і легендамі. Бо ноч захоўвае мноства таямніц, — адзначае віноўнік урачыстасці Гаўрыіл Вашчанка.
На думку вядомага беларускага мастацтваведа Наталлі Шаранговіч, манументальныя і жывапісныя работы славутага майстра — класіка нацыянальнага мастацтва ХХ—ХХІ стагоддзяў. Яго творы ўвасобілі цэлую эпоху з яе ідэальнымі памкненнямі і балючымі расчараваннямі, складанымі грамадскімі зменамі і чалавечымі трагедыямі.
Для наведвальнікаў выстаўка пачала працаваць ужо сёння, экспанаванне плануецца на працягу месяца.
Ірына СВІРКО, «Р»