Украінскі роспіс можна пабачыць у Мядзельскім музеі

Куфар з выставы

У музеі народнай славы праходзіць выстава дэкаратыўна-прыкладнога мастацтва “Петрыкоўка — жамчужына Украіны”.

На выставе прадстаўлена больш за 60 прац: размаляваныя талеркі, куфар, жывапісныя працы на паперы і дрэве. Зроблены яны ў традыцыях петрыкоўскага роспісу.

Назва роспісу пайшла ад назвы сяла Петрыкоўка, жыхары якога з канца XVIII стагоддзя ўпрыгожвалі ім фасады дамоў, печаў, а пазней посуд, брычкі, абрусы і ручнікі, куфры.

Працягнецца выстава да канца снежня. Арганізавана яна пры падтрымцы Пасольства Украіны ў Рэспубліцы Беларусь і Днепрапятроўскай абласной дзяржаўнай адміністрацыі.

Алесь ВЫСОЦКІ. 

Фота Алеся ВЫСОЦКАГА.