У Радашкавічах пройдзе выстава ў форме беларускай вечарынкі

15 жніўня ў 16 гадзін у Радашкавіцкім цэнтры адпачынку адбудзецца літаратурная выстава дзяржаўнага літаратурнага музея Янкі Купалы.

Прысвечаная яна 100-годдзю пастаноўкі п’есы “Паўлінка” Янкі Купалы.

Як адзначыла загадчыца аддзела культуры дзяржаўнага літаратурнага музея Янкі Купалы Вольга Пархімовіч, выставу праводзяць 15 жніўня, бо 100 гадоў таму ў гэты дзень “Паўлінку” паставілі ў Радашкавічах. Тады на прэм’еры быў сам аўтар.

Выстава пройдзе ў форме беларускай вечарынкі. Будуць песні, танцы і жывая музыка.

Аддзел інфармацыі.

Фота image.slidesharecdn.com