Вольскі насуперак (фота)

Учора ў офісе партыі БНФ адбыўся дабрачынны канцэрт беларускага музыкі Лявона Вольскага. Сустрэча прайшла нягледзечы на ўсе прыпоны і забароны.

Канцэрт Лявона Вольскага і Паўла Аракеляна мусіў прайсці ў адноўленай "Арт Сядзібе", але напярэдадні па фармальнай нагодзе спрацоўнікі МНС апячаталі будынак. "Арт Сядзіба" зачынілася так і не пачаўшы працу, а канцэрт Вольскага перанеслі ў значна менш зручны офіс Партыі БНФ.

 

Праблемы з памяшканнем не перашкодзілі сустрэчы прайсці з поўным аншлагам. У офіс палітычнай партыі было проста не патрапіць, людзі прыносілі з сабою сцягі і падпявалі любімым кмпазіцыям.