Аўстралійка паўтарыла “подзвіг” Славаміра Адамовіча

Артыстка расшыла сабе рот на фестывалі мастацкага перфоманса “Навінкі 2012”. 

Ганна Ваяк перад наведвальнікамі фестываля разрэзала ніткі, якія сімвалічна закрывалі ёй рот. Пасля гэтага жанчына закрычала -- праілюстравала колькі энергіі копіцца за замкнёнымі вуснамі і маўклівымі тварамі.

Варта адзначыць, што артыстка ніякім чынам не каментавала свой перфоманс. Таемным сэнсам відовішча надзялілі самі гледачы -- большасць з іх палічыла, што акцыя прысвечана свабодзе слова ў Беларусі.

Яшчэ больш таемнае пасланне адправіла гледачам іншая ўдзельніца, якая стаяла ў вядры з цэментам.