"Тэатральны куфар-2012". Душэўны фестываль

 

2 ліпеня ў 19 гадзінаў ў Палацы прафсаюзаў адбудзецца адкрыццё фестываля. Яго распачне спектакль “Сям’я” кітайскага тэатра. Беларусы даведаюцца пра жыццё забяспечанай кітайскай сям’і. Падзеі адбываюцца 70 гадоў таму. Пастаноўка адбудзецца на кітайскай мове з англійскімі субтытрамі. Гэта сталая традыцыя: спектаклі ідуць на нацыянальных мовах. Такім чынам арганізатары падкрэсліваюць унікальнасць кожнай нацыі і мовы. Сёлета некаторыя спектаклі будуць паказаныя на ангельскай мове, альбо будуць суправаджацца субтытрамі.

 

За пяць тэатральных дзён гледачы азнаёмяцца з творчасцю студэнцкіх тэатраў ЗША, Уругвая, Філіпінаў, Францыі, Літвы, Грузіі, Расіі, Украіны і, канечне, Беларусі. Агулам на суд гледачоў і прафесіяналаў будзе прадстаўлена 13 пастановак з 11 краін. Два спектаклі пройдуць пазаконкурсна. Гэта беларускі спектакль “Без назвы” і грузінскі “Планета попелу”. Яны пройдуць у межах праекта "По ком звонит колокол…", што прымеркаваны да Дня Незалежнасці Беларусі. Акторы будуць граць на двух пляцоўках: на сцэне Палаца прафсаюзаў ды ў Ліцэі БДУ.

 

Дырэктар фестываля Кацярына Саладуха адзначыла, што ўдзельнікі “Тэатральнага куфара” былі адабраныя з ліку 70 заявак ад студэнцкіх тэатраў. Таксама яна паведаміла, што сёлетні фестываль будзе вельмі душэўным: “На гэтым мерапрыемстве акцёры-студэнты размаўляюць па душах з гледачамі-студэнтамі. Яны могуць не заўжды вербальна разумець адно аднога, але ж паразумецца нацыянальна”.

 

Беларусь на фестывалі прадставяць тры спектаклі.

 

2 ліпеня ў 21.00 на сцэне Ліцэя БДУ пройдзе пастаноўка “Весь гэты джаз” тэатра-студыі “На філфаку” БДУ.

 

3 ліпеня ў 12.00 там жа будзе паказаны спектакль “Без назвы”, які падрыхтавалі акцёры эксперыментальнай лабаратопыі “Тэатральны квадрат” БДУ.

4 ліпеня ў 19.00 у Доме культуры прафсаюзаў гледачы ўбачаць “Колы” тэатра “На балконе” БДУ. Апошнія два спектаклі ідуць на беларускай мове.

 

19.30. Спектакль “Сям’я”, Цэнтральная акадэмія драмы, Кітай. ДК Прафсаюзаў.

 

 

14.30. Спектакль “Планета попел”, Тэатр Універсітэта Ільі пры падтрымцы Батумскага тэатра юнага гледача, Грузія. Ліцэй БДУ.

 

19.00. Спектакль “Паразмаўляй са мной”, творчая даследчая лабараторыя “IACE”, Універсітэт штата Нью-Ёрк, г.Буффало, ЗША. ДК Прафсаюзаў.

 

21.00. Спектакль “Злачынства і пакаранне”, тэатр г.Пайсанду, Уругвай. Ліцэй БДУ.

 

 

21.00. Спектакль “Містэрыя кахання”, студэнцкі тэатр “ГаРмЫдЭр”, Украіна. Ліцэй БДУ.

 

22.30. Вечар “Куфар збірае сяброў”. Прадстаўленне нацыянальных традыцый. Ліцэй БДУ, унутраны двор.

 

 

19.00. Спектакль “Гамлет, альбо Тры хлопчыкi і Адна дзяўчынка”, тэатр-лабараторыя “Alma Alter” Сафійскага ўніверсітэта, Балгарыя. Ліцэй БДУ.

 

20.00. Спектакль “Музей”, тэатр-студыя “INSA Lyon” Нацыянальнага інстытута прыкладнога мастацтва г.Ліон, Францыя. ДК Прафсаюзаў.

 

22:30. Спектакль “Вечар з Чэхавым”, тэатр “PS09”, Універсітэт прыкладных навук, Літва. Ліцэй БДУ.

 

 

19.00. Спектакль “Чыстае каханне”, тэатр Універсітэта Атэнео, Філіпіны. ДК Прафсаюзаў.