Канцэрт "Троіцы" ў Гродне адменены

Гарадзенскі канцэрт “Троіцы”, запланаваны на 26 красавіка, не адбудзецца.

Пра гэта прадстаўнікі гурта паведамілі ў фэйсбуку: “Канцэрт адменены па незалежных ад нас прычынах”.

Тэлефоны, пазначаныя ў абвестцы пра канцэрт, не адказваюць. А квіткі, што каштавалі ад 75 да 95 тысяч рублёў, былі распроданыя ўжо тыдзень таму.

“Троіца” павінна была выступіць у Гродне на новай пляцоўцы – у корпусе Гродзенскага ўніверсітэта імя Янкі Купалы па вул. Леніна.