У Горках знясуць дом, у якім жыў Максім Гарэцкі
13.12.2011 12:24
—
Новости Культуры
У Горках знясуць дом, у якім жыў Максім Гарэцкі
HORKI.INFOБудынак нібыта замінае праекту ўпарадкавання берагавой лініі Ніжняга возера да “Дажынак” 2012 года.
Класік айчыннай літаратуры пражыў на другім паверсе дома па адрасе Акадэмічная, 3 у кватэры нумар 5 усяго два гады – з 1926 па 1928. У Горках Гарэцкі працаваў загадчыкам кафедры беларускай мовы, літаратуры і гісторыі сельгасакадэміі.
У пачатку дзевяностых ў былой кватэры беларускага генія меўся размесціцца музей.
Але пазней было вырашана пакінуць памяшканне новым жыхарам. Музей Гарэцкага зрабілі ў чацвёртым корпусе БДСГА.
Дом жа застаўся на ўспамін. Пра тое, што тут некалі жыў Гарэцкі, можна даведацца з шыльды, размешчанай на сцяне будынка. Аднак бліжэйшым часам дом знясуць. Пра гэта расказалі яго жыхары. Іх ужо папярэдзілі пра знос і пра тое, што ўсім дадуць новыя кватэры ў іншай частцы горада.
Улады з домам Гарэцкага па законе, напэўна, могуць рабіць, што захочуць. Будынак не ўваходзіць у афіцыйны спіс гістарычнай спадчыны.
Толькі вось з помнікам Леніну, які да "Дажынак" прыбяруць з галоўнай плошчы горада, у Горках збіраюцца абысціся больш гуманна. Каменны істукан не разаб’юць у друзачкі, як дом зоркі беларускай літаратуры, а беражна перанясуць у іншае месца – па “просьбах трудзяшчыхся”, напэўна.
Класік айчыннай літаратуры пражыў на другім паверсе дома па адрасе Акадэмічная, 3 у кватэры нумар 5 усяго два гады – з 1926 па 1928. У Горках Гарэцкі працаваў загадчыкам кафедры беларускай мовы, літаратуры і гісторыі сельгасакадэміі.
У пачатку дзевяностых ў былой кватэры беларускага генія меўся размесціцца музей.
Але пазней было вырашана пакінуць памяшканне новым жыхарам. Музей Гарэцкага зрабілі ў чацвёртым корпусе БДСГА.
Дом жа застаўся на ўспамін. Пра тое, што тут некалі жыў Гарэцкі, можна даведацца з шыльды, размешчанай на сцяне будынка. Аднак бліжэйшым часам дом знясуць. Пра гэта расказалі яго жыхары. Іх ужо папярэдзілі пра знос і пра тое, што ўсім дадуць новыя кватэры ў іншай частцы горада.
Улады з домам Гарэцкага па законе, напэўна, могуць рабіць, што захочуць. Будынак не ўваходзіць у афіцыйны спіс гістарычнай спадчыны.
Толькі вось з помнікам Леніну, які да "Дажынак" прыбяруць з галоўнай плошчы горада, у Горках збіраюцца абысціся больш гуманна. Каменны істукан не разаб’юць у друзачкі, як дом зоркі беларускай літаратуры, а беражна перанясуць у іншае месца – па “просьбах трудзяшчыхся”, напэўна.