У Гродна выйшаў руска-беларускі тлумачальны слоўнік медыцынскіх тэрмінаў

У выдавецтве Гродзенскага медуніверсітэта выйшаў “Руска-беларускі тлумачальны слоўнік медыцынскіх тэрмінаў” Варанца Віктара Іванавіча. Гэта першае выданне падобнага тыпу ў беларускай лексікаграфіі.

У слоўніку тры тысячы медыцынскіх тэрмінаў, прычым больш за две тысячы маюць уласнабеларускую версію. Да кожнага тэрміна падаецца яго тлумачэнне на беларускай мове.

Слоўнік будзе цікавым не толькі студэнтам і выкладчыкам медыцынскіх навучальных устаноў, але і практыкуючым медыкам, усім неабыякавым да роднага слова. Пазнаёміцца са зместам слоўніка можна ў бібліятэцы ГрДМУ.