У Гродна абвешчаны конкурс на стварэнне бюста Максіма Багдановіча

Ініцыятарамі конкурсу з'яўляюцца гарадскія ўлады. Вынікі конкурсу плануецца падвесці ўжо ў снежні.

Сёлета адзначаецца 120-гаддзе з дня нараджэння вялікага беларускага паэта, жыццё якога было цесна звязана з Гродна.

Яшчэ ў пачатку года Савет Міністраў Беларусі прыняў пастанову, у адпаведнасці з якой у Гродна на працягу 2011-2012 гг. павінен з'явіцца помнік Максіму Багдановічу.

Для збору сродкаў на яго быў адчынены спецыяльны разліковы рахунак.