Zdob Si Zdub спынілі беларускую мафію

Заўжды адкрытыя для эксперыментаў зоркі малдаўскага року Zdob Si Zdub запісалі беларускую версію свайго хіта "Стоп-мафія" у перакладзе Сяргея Балахонава, які ператварыў "деньги-дребеденьги" у "грошы – злыя вошы".

У рэпертуары Рамана Ягупава ёсць песні на чатырох мовах, а вось па-беларуску ён спяваў упершыню. Zdob Si Zdub узяў удзел у праекце "Будзьма! Тузін. Перазагрузка-2", каб данесці вельмі простую думку: трэба берагчы і шанаваць сваю краіну, культуру і мову.

 

Прэм’ера песні "Стоп-мафія" – сёння на сайтах "Будзьма беларусамі!" і "Тузін Гітоў".