Тры гарады, дзевяць вёсак…

БЛАГАДАТНЫ Агонь з нагоды Дня пісьменства пабывае да гэтага ў Маларыце, Драгічыне, а таксама ў дзевяці вёсках Мінскай і Брэсцкай абласцей. Іх у складзе экспедыцыі наведаюць дзеячы культуры, навукі і літаратуры, прадстаўнікі грамадскасці.

Па традыцыі яны пранясуць і цудадзейную Загор’е-Сталавіцкую ікону. Яе знайшлі падчас земляных работ у вёсцы Загор’е Баранавіцкага раёна ў 1983 годзе. Сёння яе лічаць шляхаводнай іконай «Дарогі да святыняў».

— Экспедыцыя пачалася ў Свята-Духавым кафедральным саборы, — расказвае кіраўнік экспедыцыі, пісьменніца Ніна Загорская. — За сямнаццаць гадоў Благадатны Агонь ад Гроба Гасподняга быў данесены больш чым у тысячу населеных пунктаў Беларусі.

Таццяна УСКОВА, «БН»

НА ЗДЫМКУ: навукова-асветніцкая экспедыцыя "Дарога да святыняў" стартавала з Мінска.

Фота Генадзя ЖЫНКОВА, БЕЛТА