Замест бібліятэк — медыятэкі

Усе школьныя бібліятэкі ў краіне будуць пераўтвораны ў цэнтры інфармацыйных рэсурсаў і медыятэкі
Такая мадэрнізацыя пройдзе ў адпаведнасці з Праграмай развіцця агульнай сярэдняй адукацыі на 2007–2016 гады. Як расказаў намеснік міністра адукацыі Казімір Фарыно, ужо падрыхтаваны пералік інфармацыйных рэсурсаў і электронных сродкаў навучання, рэкамендаваных для камплектавання школьных бібліятэк. “Таксама створаны і рэгулярна абнаўляецца каталог праграмных сродкаў, рэкамендаваных для выкарыстання ў адукацыйным працэсе, які тыражуецца і на кампакт-дысках накіроўваецца ва ўстановы адукацыі ў адпаведнасці з заяўкамі”, — адзначыў намеснік міністра.

Юлія Патоцкая