Польскі ансамбль Mazowsze не выступіць у Мінску па палітычных прычынах

Польскі дзяржаўны ансамбль песні і танца Mazowsze адмяніў выступ у Мінску 27 кастрычніка. Беларускія ўлады хацелі выкарыстаць канцэрт у палітычных мэтах.

"Па прычынах, незалежных ад Mazowsze запланавана на 27 кастрычніка канцэрт у Палацы Рэспублікі ў Мінску быў адменены. Афіцыйны ліст па гэтым пытанні дырэкцыя гурта атрымала ад арганізатара канцэрта LIRIKATUR "-- гэта інфармацыя на веб-сайце Mazowsze. Беларускі бок сцвярджае, што нагодай для адмены выступу сталі фінансавыя справы.

Mazowsze меў выступіць у найбольшай зале ў Мінску – у Палацы Рэспублікі.

Спачатку арганізатарамі канцэрту выступала прыватная кампанія. Пазней, аднак, нечакана, як арганізатар пачаў фігураваць праўладны Саюз палякаў

(другі Саюз, якім кіруе Анжаліка Арэхва, афіцыйны Мінск не прызнае легітымным). Mazowsze папрасілі беларускі бок не змешваць выступ з палітыкай.

“Улады былі зацікаўленыя, каб перад прэзідэнцкімі выбарамі паказаць добрае супрацоўніцтва з Польшчай, а таксама давесці, што калі польскі гурт прыехаў на запрашэнне "рэжымнага" Саюза палякаў, дык, верагодна, Варшава перадумала і праблема падзеленых польскіх арганізацый перастала існаваць”, -- пракаментаваў сітуацыю палітолаг Валер Карбалевіч.