У Мінску выступіў Хасэ Карэрас

16 кастрычніка ў "Мінск-Арэне" прайшоў канцэрт вядомага тэнара Хасэ Карэраса.

Каб арганізаваць канцэрт у Мінску, менеджарам канцэртнага аддзела Палаца Рэспублікі спатрэбілася дзесяць месяцаў. Галоўным пытаннем стаў выбар музычнага суправаджэння. Лепшым кандыдатам на акампанемент тэнару прызналі Прэзідэнцкі аркестр Беларусі.

Творчасць Хасэ Карэраса вядомая па ўсім свеце. Гэты оперны спявак знакаміты сваім выкананнем твораў Джакама Пучыні і Джузэпэ Вердзі.