Памёр кінарэжысёр Клод Шаброль

Знакаміты французскі кінарэжысёр, сцэнарыст, актор і прадусар Клод Шаброль памёр сёння на 81-м годзе жыцця.

Шаброль – адзін з заснавальнікаў г.зв. французскай «новай хвалі» пачаў сваю кар’еру ў канцы 1950-х у якасці кінакрытыка ў часопісе Les Cahiers du cinéma, дзе працаваў разам з Труфо і Гадарам.

Ужо першы ягоны фільм «Прыгажун Серж» прынёс яму поспех, Шаброль – аўтар такіх карцін як «Кузэны», «Сем смяротных грахоў», «Дарога ў Карынф», «Мяснік», «Крык савы».