Да «Дажынак» у Маладзечне з’явяцца лядовая арэна і аквапарк

Адбылася пашыраная нарада па пытаннях правядзення свята ўраджаю ў 2011 годзе.

— Мы мяркуем, што «Дажынкі» ў Маладзечне могуць стаць лепшымі за ўсе папярэднія і імі пачнецца новы этап у развіцці сельскай гаспадаркі, — заявіў старшыня Мінскага аблвыканкама Барыс Батура. — Не сутнасць прывесці ў парадак Маладзечна. Гэта не так складана зрабіць. А вось усю вобласць «ператрэсці» не так проста, але гэта трэба зрабіць. Трэба прыводзіць у парадак усе пад’езды да Маладзечна. А гэта — уся вобласць. І ў абсягу гэтых трас таксама — жыллё, іншыя будынкі і збудаванні, уладкаванне азёраў, рэчак, прыдарожны сэрвіс, жыллёва-камунальная гаспадарка і абслугоўванне. Трэба навесці парадак і ў прамысловасці. На сёння, здаецца,

горш, чым у Маладзечне, прамысловасць нідзе не працуе.

Задача Міністэрства прамысловасці і наша «закруціць» гэтыя прадпрыемствы, задзейнічаць магутнасці, знайсці за гэты час канкрэтнае прымяненне прамысловым будынкам і збудаванням.

І, канешне, сельская гаспадарка. Мы ставім задачу на наступны год дасягнуць ураджайнасці па збожжавых 50 цэнтнераў з гектара. І, безумоўна, уся зямля павінна быць прыведзеная ва ўзорны парадак. Я маю на ўвазе і фермы, і комплексы, і птушкафабрыкі, якія ёсць на тэрыторыі Маладзечанскага раёна.

Хацелася б, каб і ідэалогія «Дажынак» была абноўленая.

Магчыма можна будзе знайсці нейкую новую іскрынку.

Да «Дажынак» у Маладзечне

паўстане спартова-забаўляльны комплекс з лядовай арэнай на 2 тысячы гледачоў, басейнам на пяць дарожак і невялікім аквапаркам.

У гарадскім мікрараёне №6 з’явіцца дзіцячы садок. Правядуць рэканструкцыю дзіцячай бальніцы. У скверы каля цэнтральнай плошчы з’явіцца помнік Янку Купалу,а на вуліцы Прытыцкага — фантан у выглядзе Папараць-кветкі. Прадугледжваецца рэканструкцыя гістарычнага цэнтра горада — Старога Места. Тут паўстануць гандлёвыя рады з сувенірамі.