"Пасланне сябрам" Ларысы Геніюш

Выйшаў дыск з голасам Ларысы Геніюш. Запіс, на якім паэтка чытае свае вершы, быў зроблены ў маі 1981 года ў Зэльве.

Дзевятнаццаць вершаў аб’яднаныя ў аўдыёкнігу "Пасланне сябрам".

На дыску ў дадатак змешчаны фотаздымкі сяброў суполкі "Паддашкаўцы". Гэта было нефармальнае аб’яднанне людзей у 1966-1985, якія любілі Беларусь. Ларыса Геніюш, Яўген Кулік, Мікола Ермаловіч, Міхась Ткачоў…

Летась выйшаў дыск "Галасы", на якім змешчаны запісы 1968 года з чытаннем вершаў Ларысай Геніюш, Уладзімірам Караткевічам і Рыгорам Барадуліным.