Расейская шпіенка будзе судзіцца за свае інтымныя фоты

Ганна Чэпмэн, абвінавачаная ў ЗША ў шпіянажы і вымененая на заходніх шпіёнаў у Расіі, падасць у суд на былога мужа за тое, што ён апублікаваў у прэсе яе старыя эратычныя фатаграфіі.

Чэпмэн звярнулася да амерыканскага адваката Роберта Баўма з просьбай патлумачыць, ці можа яна звярнуцца ў суд у дадзенай сітуацыі. На думку Баўма, гэта магчыма, і ён мае намер працаваць па дадзенай справе.

Асабістыя фатаграфіі Чепмен з"явіліся ў прэсе. Яны былі зроблены ў той час, калі недалугая расейская Мата Хары была замужам за брытанцам Алексам Чэпмэном.

Здымкі носяць эратычны характар. Чэпмэн на іх зафіксаваная для гісторыі з садамазахісцкімі цацкамі і і прысоскамі на цыцкі.

Шлюб доўжыўся ўсяго два гады: імаверна, жыццё са звыклым брытанцам мала цікавіла начальства Чэпмэн, сапраўднае прозвішча якой — Кушчанка. І яна адправілася за акіян ужо як Чэпмэн — ідэальная трансфармацыя для шпіёнкі. Дзіва што падмануты муж з радасцю апублікаваў фатаграфіі.

Сяргей Гезгала