У Швецыі за сэкс з прастытуткамі будуць садзіць на год

Прастытуцыя прывучае ставіцца да чалавека як да прадмета.

Камісія ўрада Швецыі прапанавала павялічыць меру пакарання за набыццё сэксуальных паслуг да года пазбаўлення волі.

На сёння максімальная мера пакарання складае 6 месяцаў. Аднак на практыцы суд прызначае, як правіла, грашовы штраф у памеры 5000 кронаў. На думку камісіі варта заснаваць нацыянальны цэнтр па каардынацыі работы па барацьбе з прастытуцыяй і гандлем людзьмі.

У Швецыі ўжо больш за 10 гадоў існуе забарона на набыццё сэксуальных паслуг. Пасля ўвядзення гэтага закону ў 1999 годзе вулічных прастытутак паменшала ўдвая. Цяпер варта зрабіць наступны крок, які адказвае патрабаванням сучаснасці, і ўзмацніць пакаранне, лічаць чыноўнікі.