Беларускія музыкі ў Інтэрнэце
Сярод тых, у каго сайту няма, — N.R.M. Пасля таго, як некалькі гадоў таму сайт узламалі хакеры, музыкі вырашылі ім не займацца. Але ў Інтэрнэце дзейнічае фан-клуб гурту. Асобна існуе старонка Лявона Вольскага, на якой выкладзены яго сольны праект «Куплеты і прыпевы».
Найбольш сайтаў маюць «Песняры». Гэта з-за таго, што ансамбль пасля смерці Уладзіміра Мулявіна раскалоўся. Тады ўзніклі некалькі калектываў, якія прэтэндавалі на яго спадчыну. Але сёння толькі два з іх паўнавартасна існуюць: Беларускі дзяржаўны ансамбль «Песняры» і «Беларускія Песняры».
Чые сайты не абнаўляюцца
З 2007 года не дадаюцца навіны на сайты спявачак Вянеры і Гюнеш, гурту «Уліс» . Больш за паўгады не абнаўлялася старонка IQ48.
Хто прапануе пампаваць сваю музыку
Два альбомы «Praz żyćcio» і «Pradajem siabie» прапануе беларускі гурт з Польшчы Rima. «Ляпіс Трубяцкой» выклаў для пампоўкі альбомы «Капітал» і «Manifest», хаця ў Інтэрнэце без праблем можна знайсці і «Культпрасвет».
«Без Білета» дазваляе бясплатна спампаваць альбом «Красному диску солнца», а астатнія дыскі толькі прадаюцца.
«J:морс» прапануе толькі праслухаць свае песні on-line. Тое і на сайце Znich.
Усе песні выклалі для спампоўвання Naka, IQ48, «Сцяна», Аляксандр Памідораў.
Толькі асобныя кампазіцыі выставілі Беларускі дзяржаўны ансамбль «Песняры», «Сябры», «Палац», «БН», «Тройца», Zero-85.
Пётр Ялфімаў прапаноўвае паслухаць і спампаваць толькі свой першы альбом «Я хочу…».
Для аматараў беларускамоўнай эстрады 1990-х і пачатку 2000-х вялікай знаходкай стануць сайты Анажалікі Агурбаш, дзе можна спампаваць альбом «Беларусачка», і Ірыны Дарафеевай з яе «Рэдкім госцем», «Пульсам маіх хвілін».
Хто мае беларускамоўную версію сайта
Прынцып у асноўным такі: хто спявае па-беларуску, той і сайт мае беларускамоўны. «Сцяна» ў дадатак да беларускай і расійскай мае польскамоўную і ўкраінамоўную версіі.
Сайт Ірыны Дарафеевай мае беларускамоўную версію. Але навіна на ёй не змяняюцца ўжо некалькі гадоў. У астатніх музыкаў да раскай мовы ў асноўным дадаецца яшчэ і англійская.
Іншыя сайты беларускіх музыкаў
Кастусь Матушыч