На «Еўрабачанні-2010» перамагла Lena Meyer з Германіі

Набраўшчы 246 балаў. Беларусь толькі дваццаць чацвёртая.

Другое месца заняла Турцыя (170), трэцяе — Румынія (145). Украіна стала дзесятай, а Расія — адзінаццатай. Апошняя, дваццаць пятая, — Вялікабрытанія.

Белаурскаму гурту «3+2» налічылі балы толькі чатыры краіны: Расія — 2, Балгарыя — 1, Малдова — 3, Грузія — 12.

Надта крыўдна атрымаць такія нізкія балы ад Расіі.

Але поўнай нечаканасцю стала тое, што Украіна нічога не налічыла беларускім выканаўцам.

З пачатку галасавання стала зразумела, што беларускі гурт не ўвойдзе нават у дзесятку лепшых. Бо першыя дванаццаць краін нам нічога не паставілі. Беларусь нібы не заўважалі. Калі паўднёвыя і заходнія славяне падтрымлівалі адзін аднаго, то нашу краіну ігнаравалі нават бліжэйшыя ўсходнія славяне.

Сёлета была зменена сістэма галасавання. Палову вызначалі гледачы, а другую палову — журы. Наколькі аб’ектыўна ацэньвала журы? Сказаць цяжка. Але верагодна, што яны найперш ацэньвалі чыстату выступу выканаўца. Хоць гэта было рэдкасцю на фінале.

Вынікі галасавання з Беларусі агучваў алімпійскі чэмпіён Аляксей Грышын. Яго англійская мова выклікала ўсмешку. А

вышэйшыя балы беларусы размеркавалі наступным чынам: Ізраіль — 8, Украіна — 10, Расія — 12.

Што тычыцца агульнага ўражання ад сёлетняга фіналу, то нічога шакуючага, як у фінскага гурту Lordi, ці арыгінальнага, як балерына з раяля ў Дзімы Білана, не было.

Падчас выступу іспанца, на сцэне з’явіўся невядомы чалавек.

Паліцыя вывела яго. А выступ прыйшлося спыніць і перанесці з другога на апошняе.

Каментаваў «Еўрабачанне» на БТ Дзяніс Кур’ян. Пасля падвядзення вынікаў ён выказаўся, што пасля сёлетняга конкурсу мо спыняць траціць грошы на замежных аўтараў, а звернуць увагу на айчынных. Песню для «3+2» напісаў расіянін Макс Фадзееў.

Ужо вядомыя даты правядзення «Еўрабачання-2011». Яно пройдзе 17,19, 21 мая ў Германіі.

Кастусь Матушыч