Здымкі кліпа на песню Лявона Вольскага

Два тыдні таму прайшла прэзентацыя праекта «Белая яблыня грому», ад вядомага беларускага музыкі Лявона Вольскага. Дванаццаць вершаў беларускіх класікаў і сучаснікаў былі пакладзены на музыку і набылі новае «гучанне».

У чацвер 8 красавіка знаёмы ўсім нам са школьных часоў верш Пімена Панчанкі пачаў набываць яшчэ і «відэа-увасабленне». Лявон Вольскі разам з рэжысёрам Анатолем Вечарам для праграмы «PROдвижение+» пачалі здымкі кліпа на песню «Пахне чабор».