Горад жанчын. Ганна Хітрык
15.03.2010 16:55
—
Новости Культуры
Партал TUT.BY працягвае знаёміць вас з гераінямі аўтарскага праекта радыё "Культура" - "Горад жанчын". 13 сакавіка ў мастацкай галерэі "Універсітэт культуры" (Палац Рэспублікі) закрылася выстава, у межах якой былі прадстаўленыя 30 партрэтаў і 30 інтэрв’ю з унікальнымі жанчынамі нашага горада.
| Горад жанчын Яны жывуць побач. Магчыма, у суседнім доме ці пад’ездзе. Яны ходзяць па адных з намі вуліцах, дыхаюць адным паветрам і наведваюць тыя ж крамы. Аднак гэтыя ў поўнай меры зямныя жанчыны зробяць гонар любой краіне. Іх партрэты атрымліваюцца нібы сатканымі з усмешкі і позірку, выпадковых слоў, подыху і ледзь прыкметных рухаў. Гэта партрэты-ўражанні, партрэты-атмасферы. Хто ўсе гэтыя жанчыны? Актрысы Таццяна Мархель і Зінаіда Зубкова, музыканты Таццяна Старчанка і Даша Мароз, балерыны Таццяна Яршова і Вольга Гайко, кампазітар Галіна Гарэлава, кінарэжысёр Галіна Адамовіч, культуролаг Юлія Чарняўская, а яшчэ мастачкі, псіхолагі, дызайнеры… У некаторых з іх вобразаў так многа, што складана вылучыць самую адметную грань іх таленту: Ганна Хітрык – актрыса і лідэр гурта “Дзеці дзяцей”, Дзіяна Балыка – драматург, псіхолаг і паэт, Святлана Бень – рэжысёр, актрыса, лідэр гурта “Сярэбранае вяселле”… Унікальныя. Непаўторныя. Зямныя. Усякія… Пра што? У хатняй атмасферы і размовы пра творчасць гучаць па-іншаму. Мы сустракаемся з нашымі гераінямі ў іх доме, каб пагаварыць пра жыццё па-за межамі сцэны ці майстэрні. Тут раскрываюцца іншыя, прыхаваныя за публічнасцю, грані – маці, жонкі, гаспадыні… Аўтары: Журналіст: Кацярына Сушкевіч. Аўтар і вядучая праграмы “Горад жанчын” на канале “Культура”. Фатограф: Ягор Войнаў, пераможца фотаконкурсаў: “Драйв” (2007) (Беларусь), “Экалагічная фатаграфія”, “Эбсана” (Масква), “Млын моды” (2005) у намінацыі “Лепшы жаночы партрэт”. Персанальныя і сумесныя выставы ў Беларусі і Расіі. Стыліст: Лаліта Угуран-Туміловіч, стыліст тэлепраектаў на АНТ, БТ, супрацоўніцтва з кампаніямі "Вэлком", "Кока-Кола", "Верту", "Мілавіца"; праца з эстраднымі выканаўцамі. Удзел у Russisan Fashion Week 2003, 2004, 2006 гг.; удзел у праектах “Славянскі базар”, “Еўрабачанне”. |
Ганна Хітрык
| Горад жанчын. Зінаіда Зубкова Горад жанчын. Юлія Чарняўская Горад жанчын. Кацярына Агеева Горад жанчын. Ганна Балаш Горад жанчын. Таццяна Старчанка |
Месца нараджэння: горад Чалябінск.
Адукацыя: Беларуская дзяржаўная акадэмія мастацтваў. Па спецыяльнасці – акцёр тэатра лялек.
У дзяцінстве была: звычайным хлопчыкам: паводзіны "неуд.", падзёртыя каленкі, падробленыя запіскі ад бацькоў. Марыла нарадзіцца па-новаму ў выглядзе П’еро. З таго часу мала што змянілася.
Сям’я: у размовах праходзіць пад іменем "Зяблікі". Гэта: сястра Саша, яе муж Коля, іх дзеці Ванька-ураган і Васіль ці Чалавек-Гном. А таксама маці, брат Глеб і каханы чалавек.
Характар: ва ўсім станоўчым прысутнічае адмоўнае. Як сцвярджае Ганна, у яе - усяго хапае.
Любіць: глядзець у вочы, смяшыць, цягнікі, сабак-катоў, дарыць праўду, спяваць, напаўняць сметніцу, купляць тапачкі для дома, дождж-какава-плед, казкі, сям’ю, неба, марыць, слухаць.
Не любіць: баяцца, падхалімаў, пьяных, хваробу, даўгі, калі парушаюць асабістую прастору, быць нікчэмнай, ляноту, пыласосіць, кінзу, гразюку, пах цыгарэт у доме, начаваць адна, цемру, адсутнасць працы, грошай.
Па ўнутраным складзе суадносіць сябе з дрэвам – клёнам, горадам – Вільнюсам, цёплым надвор’ем з дажджом і вясёлкай пасля яго, вулічным катом у палоску.
Крэда: Жыць шчасліва! А чым больш б’юць, тым шырэй патрэбна ўсміхацца!
Внимание! У вас отключен JavaScript, или установлена старая версия проигрывателя Adobe Flash Player. Загрузите последнюю версию флэш-проигрывателя.
Канал Культура
Мінск 102,9 FM, УКВ 70,91
Віцебск 99,3 FM
Гомель 91,5 FM
Гродна 95,0 FM
Магілёў 99,1 FM
Брэст 88,5 FM