А.Рыбак: Найпрыгажэйшая песня ў свеце — «Купалінка»

Пераможца конкурсу песні «Еўрабачанне‑2009» нарвежац беларускага паходжання Аляксандр Рыбак 25 лютага выступіў з канцэртам у Празе.

Канцэрт Рыбака сабраў поўную залу музычнага бара Lucerna ў цэнтры Прагі. Герой леташняй «Еўрабачання», у гутарцы з аўдыторыяй падчас канцэрта паведаміў, што «Купалінка», якую яму ў дзяцінстве спявала маці — найпрыгажэйшая песня з усіх, якія яму толькі даводзілася чуць.

Аляксандр Рыбак спявае «Купалінку» ў Мінску 29 траўня 2009 года.