У Івацэвіцкім музеі можна ўбачыць экзатычных насякомых

На працягу лютага ў Івацэвіцкім раённым гісторыка-краязнаўчым музеі працуе выстава “Экзатычныя насякомыя”.

Усяго тут выстаўлены амаль 200 жукоў, павукоў, матылёў з такіх экзатычных рэгіёнаў, як Афрыка, Азія, Лацінская Амерыка. Цікава тое, што сабралі такую вялікую і надзвычай унікальную калекцыю жыхары Бярозы Уладзімір і Таццяна Найбіч.

Як распавяла нам дырэктар музея Раіса Горбач, выстава выклікала вялікую цікавасць з боку жыхароў горада і раёна. Толькі за два тыдні выставы яе наведалі 540 чалавек.  Тыя ж, хто жадае паглядзець на заморскіх насякомых, можа гэта зрабіць яшчэ да канца месяца.

Фото: gdv.of.by