Лаўрэат, самы настаяшчы

Ім можна верыць, можна не верыць, багоміць ці грэбаваць, а вось смяяцца з іх — трэба. Упершыню ў Беларусі адбылася ўзнагароды прэміі «Лютая палітыка» — узнагароды палітыкам і палітычным дзеячам, а таксама грамадскім і дзяржаўным установам за глупствы і адыёзныя ініцыятывы, якія яны ўчынілі ў 2009. Сярод лаўрэатаў — Мінабароны, Зянон Пазняк, Лявон Баршчэўскі, эканаміст Яраслаў Раманчук, старшыня Федэрацыя Прафсаюзаў Беларусі Леанід Козік ды іншыя. Галоўны прыз, «Самы люты палітык году», так нікому і не дастаўся.

Лаўрэатаў «Лютай палітыкі» вызначалі адмысловым журы, у склад якога ўвайшлі палітолагі і журналісты, што вядуць блёгі ў LiveJournal.

Спярша шаноўнае журы пляжыла, выбачайце, ўзнагароджвала, палітыкаў. За найлепшы рэбрэндынг у намінацыі «Пазыцыянуйся!» была адзначаная Партыя камуністаў Беларуская, якая спрабуе прыхаваць сваё мінулае пад шыльдай «Справядлівы сьвет».

«За вынас мозга сродкамі палітычнага аналізу» быў адзначаны сябар БНФ Лявон Баршэўскі. Былы старшыня партыі зваяваў прыз за бліскучы параўнальны аналіз праграмных палажэньняў Аб"яднаных дэмакратычных сілаў і Беларускага незалежніцкага блёку, а таксама за абвінавачанне сваёй роднай партыі ў калябаранцтве.

«Акцыяй году» быў прызнаны абяцаны пікет старшыні ФПБ Леаніда Козіка ў абарону адлічанай з юрыдычнага факультэту БДУ Тацяны Шапуцькі, які так і не адбыўся.

Аляксандар Лукашэнка, які працягвае інтэграцыя з Эўропай, нягледзячы на аўтарытарны рэжым, намінаваўся на намінацыю «Еўраразетка». Аднак перамогу ў яго выхапіў Мікола Статкевіч. Гэтаму палітыку падрыхтавалі прыз за паспяховае вызначэнне, «які з праэўрапэйскіх форумаў зьяўляецца легітымным транслятарам эўраэнтузістычнай плыні ў беларускай палітыцы».

Міністэрства абароны і Міністэрства аховы здароўя таксама не засталіся без васковага Дыягену ў намінацыі «Скандал!». Чыноўнікі гэтых ведамстваў перапісвалі дыягназы прызыўнікоў, грамадскіх актывістаў, якія па мэдычных паказьніках не маглі быць прызваныя ў войска, але ж па другім коле раптам змаглі.

Не абмінула рада журы сваёй увагай і абазнаных эканамістаў. Яраслаў Раманчук і іншыя эканамісты былі адзначаныя прызам «За тонкі гумар і разнастайнасьць думак». Эксперты ў студзені 2009 году прагназавалі працяг дэвальвацыі беларускага рубля, у выніку даляр будзе каштаваць 4 тысячы беларускіх рублёў, чаго, як мы ведаем, не адбылося.

Усім пераможцам быў падрыхтаваны прыз — васковая статуэтка Дыяген як увасабляла іранічнага стаўленьня да палітычных фэноменаў. Цікава, што атрымаць Васковага Дыягена прыйшоў толькі адзін ляўрэат — палітык Алесь Міхалевіч. Міхалевіча ўзнагародзілі за выкарыстаньне сацыяльных сетак у Інтэрнэце для лоўлі

чалавечых душаў. Лаўрэат падзякаў арганізатарам і заўважыў, што «у Беларусі не хапае сцёбу над палітыкамі».

Галоўны прыз, які мусіў быць уручаны «самаму лютаму палітыку году», так ніхто і не атрымаў. «Да гэтай намінацыі ніхто не дацягвае», — патлумачылі ініцыятары прэміі. Арганізатары мерапрыемства плянуюць уручаць антыўзнагароды за глупствы ў палітыцы штогод.